Shkencëtarët kanë zbuluar se ekstrakti nga lulja dahlia stabilizon nivelin e sheqerit në gjak
Provat klinike të udhëhequra nga Universiteti i Otagos kanë zbuluar se ekstrakti i petaleve të luleve dahlia mund të ndihmojë në stabilizimin e nivelit të sheqerit në gjak tek individët me diabet.
Kjo është zbuluar nga ekipi që u drejtua nga profesori i asociuar Alexander Tups, neuroendokrinolog në Qendrën për Neuroendocrinologji, shkruan Scitechdaily.
Ekipi fillimisht zbuloi një molekulë bimore anti-inflamatore që vepron në tru dhe përmirëson fuqishëm aftësinë e trupit për të përpunuar sheqerin në gjak.
"Pastaj zbuluam se bima dahlia është një burim kultivues i kësaj molekule dhe se përmban dy molekula bimore shtesë që rritën efektin e saj. Kjo bllokoi në mënyrë specifike inflamacionin e trurit dhe përmirësoi rregullimin e sheqerit në gjak në provat paraklinike", tha profesori Tups.
Shumë persona kanë paradiabet, një gjendje ku niveli i glukozës në gjak është pak i ngritur, gjë që tregon se një person rrezikon të përparojë në diabetin e tipit 2. Nëse nuk marrin masa, rreth 70 për qind e njerëzve rrezikojnë të zhvillojnë diabetin e tipit 2, më vonë gjatë jetës.
Në studimet paraklinike të kafshëve, studiuesit arritën të shëronin inflamacionin e trurit, të përmirësonin ndjeshmërinë ndaj insulinës hormonale në tru dhe të përmirësonin rregullimin e sheqerit në gjak.
Teknologjia është patentuar dhe ekipi kërkimor ka punuar me Otago Innovation Limited (OIL) dhe palët e interesuara të jashtme për të sjellë në treg një suplement shtesë natyral të ekstraktit të dahlias, duke synuar që ajo të përdoret për stabilizim të nivelit të sheqerit në gjak.
Edhe
Kanella mund të ndihmojë në uljen e sheqerit në gjak, por ka edhe rreziqe
Për ekstraktin e nxjerrë nga lulja “dahlia” drejtuesi i projektit në OIL Graham Strong ka thënë se “siguron një përzierje unike të komponimeve ushqyese, duke mbështetur nivelin normal të sheqerit në gjak”.
“Provat treguan se kjo do të jetë e dobishme për ata që diagnostikohen me paradiabet ose diabet të tipit 2 për të ndihmuar në parandalimin e përparimit të sëmundjes" tha ai. (Përgatiti: Vita Abrashi -Kajtazi)
