Down Syndrome, kështu quhet çrregullimi më i njohur i kromozomeve që vjen si rezultat i vonesës në zhvillimin fizik, intelektual e gjuhësor.
Sindroma Down identifikohet si anomali kromozomesh.
46 është numri i kromozomeve në secilën qelizë në trupin e njeriut, derisa personat e prekur nga kjo anomali kanë një kromozom më shumë.
Diagnostikimi i personave me këtë sindromë mund të bëhet para lindjes së foshnjës. Ekzistojnë dy kategori testimesh për sindromën Down, të cilat nuk japin siguri të plotë se fetusi ka këtë anomali, porse japin një propabilitet.
Shumica e këtyre formave të testimit përfshijnë një pasqyrë gjaku dhe një ekografi. Testet e gjakut janë matës i sasisë së substancave të ndryshme në gjakun e nënës, aq sa përdoren për të vlerësuar mundësinë e saj për të pasur një fëmijë me sindromë, transmeton emisioni “SOT” i KTV-së.
Studime të shumta tregojnë se 1 në 800 deri në 1100 lindje rezultojnë me një fëmijë me Down Syndrome, derisa thuhet se janë meshkuj më shumë se femra që lindin me këtë çrregullim.
Trajtime të ndryshme mjekësore kanë nxjerrë në pah moshën 55 vjeç si moshë që mendohet se kryesisht e arrijnë këta persona, por shumë prej tyre jetojnë edhe më gjatë.
Individët me Down Syndrome kanë tipare dalluese. Zakonisht, ata kanë një konstrukt trupor më të vogël, përfshirë edhe vonesat në zhvillimin e tyre intelektual.
Një e treta e fëmijëve të lindur me Down Syndrome janë të prirë të preken nga sëmundjet në zemër, përfshirë këtu edhe problemet me shikim e sëmundjen e alzhaimerit.