Dermatologët tregojnë për gabimet që duhet evituar gjatë larjes së fytyrës
Jeni duke e pastruar fytyrën me sapun, ujë të nxehtë apo po përdorni peshqir? Epo, sipas disa dermatologëve mund të jeni duke e pastruar fytyrën në mënyrë të gabuar.
Larja me ujë tepër të nxehtë dhe përdorimi i shumë pecetave njëpërdorimshme janë disa nga gabimet që njerëzit bëjnë kur e lajnë fytyrën.
Këto teknika mund të shkatërrojnë barrierën natyrale të lëkurës suaj, e ta thajnë atë dhe të bllokojnë poret e juaja, raporton “Daily Mail”.
Mbingarkesa me produkte
Nga maskat e ndryshme fytyrës e deri te hidratimi i saj me vazelinë, rrjetet sociale janë të mbushura me këshilla për mirëmbajtje të lëkurës.
Por, ndjekja e këtyre tendencave mund të mos jetë mënyra më e mirë për të mbajtur një shkëlqim të shëndetshëm.
Dermatologët paralajmërojnë se të përdorësh tepër kimikate, mund ta zhveshë lëkurën nga vajrat e saj natyrale, duke e lënduar dhe tharë atë.
Vetëm se ndonjë i famshëm ka rekomanduar ndonjë produkt, nuk do të thotë se është i duhuri për lëkurën tënde.
Dermatologia Penelope Pratsou, nga British Skin Foundation, ka thënën: “Gabimi më i zakonshëm që bëjnë njerëzit me rutinat e tyre të kujdesit të lëkurës është se priren t’i ndërlikojnë ato. Njerëzve u pëlqen të ndjekin tendencat më të fundit të kujdesit të lëkurës, siç rekomandohen në rrjete sociale. Kjo shpesh mund të rezultojë në regjime komplekse, e që mund të mos jenë të përshtatshme për lëkurën tuaj. Kjo më pas çon në acarim të lëkurës”.
Nuk ka një “masë përshtatet për të gjithë” kur bëhet fjala për kujdesin e lëkurës. Pratsou thotë se rutina duhet të jetë unike dhe e përshtatshme për llojin e lëkurës së njeriut.
Doktoresha Salome Dharamshi, thotë se gjërat e thjeshta janë më të mira.
“Lajeni fytyrën në mëngjes, aplikoni krem hidratues. Në mbrëmje para se të shkoni në shtrat lani fytyrën dy herë, hiqni grimin dhe më pas lajeni sërish lehtësisht për t’u siguruar se lëkura e juaj është e pastër dhe pastaj aplikoni hidratues”, ka thënë Dharamshi.
Ekspertët u bëjnë thirrje njerëzve që të qëndrojnë larg nga sapunët dhe të përdorin pastrues tjerë të butë. Kjo pasi sapunët në formë të ngurtë mund të jenë gërryes e të thajnë lëkurën.
Ndaloni pastrimin e tepërt
Një gabim tjetër i zakonshëm është pastrimi i tepërt i lëkurës. Ndonëse pastrimi do të largojë qelizat e vdekura të lëkurës, vajrat dhe gjërat tjera që ndihmojnë lëkurën të duket e përsosur, po ashtu do të largojë edhe qelizat e shëndetshme nga lëkura, thonë ekspertët.
Kjo mund të çojë në acarim, në të njëjtën regjim si ndjekja e një regjimi tepër të komplikuar.
“Unë nuk jam adhuruese e eksfolimit fizik të fytyrës sepse shpesh mund të jetë tepër e rëndë për lëkurën dhe të shkaktojë acarim, thatësi apo puçrra”, tha dermatologia Pratsou.
Në vend të kësaj, ajo rekomandon përdorimin e një eksofiluesi kimik, si acid glikolik apo retinol, pasi këto funksionojnë me rreth 10 minuta eksofilim të butë, dhe japin rezultate të dukshme për dy javë.
Pratsou thotë se përdorimi i pëlhurave të fytyrës me mikrofibra mund të jetë më e butë për lëkurën.
Por, dermatologia Kajal Babamiri, thotë se duhet hequr leckat për pastrim të fytyrës e të përdoren thjeshtë duart,
“Përdorni patjetër duart për të larë fytyrën. Një leckë mund të jetë shumë gërryese, ju po hiqni shumë lëkurë. Ajo që dëshironi është të hiqni lëkurën e vdekur, por të mos jeni shumë agresiv që të dëmtoni tërësisht lëkurën”, ka thënë Babamiri.
Sa herë duhet larë fytyra?
Larja e fytyrës dy herë në ditë është optimale, thonë dermatologët.
Të mbash në vetëm larje të fytyrës gjatë mëngjesit e mbrëmjes do të ndihmojë që të largohet papastërtia dhe yndyra.
Por, nëse filloni të përpiqeni ta pastroni më shumë se kaq, atëherë mund të përfundoni me lëkurë të thatë, të irrituar dhe me shenja.
Dermatologia Dharamshi, shpjegon se larja e tepërt jo vetëm që shkakton thatësi, por edhe puçrra.
“Larja e tepërt e fytyrës mund të rrit prodhimin e sebumit, që është një nga arsyet e akneve. Gjithashtu mund të dëmtojë barrierën e lëkurës, e të shkaktojë skuqje dhe dehidratim të lëkurës”, tha ajo.
Dematologia Pratsou ka paralajmëruar edhe ata që janë të prirë ndaj ekzemave. Ajo ka thënë se uji mund të jetë një irritues që shkakton këto shpërthime.
Uji i nxehtë
Nëse jeni duke përdorur ujë të nxehtë, ndoshta është mirë ta shqyrtoni uljen e temperaturës.
Të kesh ujë shumë të nxehtë apo edhe shumë të ftohtë, mund të thajë lëkurën, e cila nga ana tjetër shkakton edhe prodhim të tepërt të sebumit. Si rezultat do të keni lëkurë tepër të yndyrshme dhe me shenja.
Dermatologia Salome Dharamshi tha: “Uji duhet të jetë i ngrohtë, shumë shpesh njerëzit përdorin ujë shumë të nxehtë apo të ftohtë. Nëse uji është shumë i nxehtë, mund të dëmtojë lëkurën, të shkaktojë skuqje e tharje të lëkurës. Po ashtu dëmton barrierën e lëkurës”.
Uji i vakët është ekuilibri i duhur për larjen e fytyrës, sipas ekspertëve.
Ndonëse disa njerëz përdorin ujë të nxehtë për të hapur poret e të ftohtë për të mbyllur poret, dermatologia Dharamshi thotë se nuk funksionon kjo.
Ajo thotë se është e pamundur teknikisht hapja e poreve.
Largoni pecetat
Pecetat për fytyrën mund të jenë të dobishme, pasi mund të pastroni fytyrën për pak sekonda.
Por, ekspertët e lëkurës nuk janë adhurues të pecetave.
Pecetat njëpërdorimshme për fytyrën mund të jenë të mira për heqjen e grimit, por nuk janë të dizajnuara për të larë fytyrën tuaj çdo ditë.
Dermatologia Kajal Babamiri thotë: “Pecetat e fytyrës janë të mira për heqjen e grimit, por nuk duhet të përdoren si pastrues e jo për larjen e fytyrës”.
Në fakt, nëse nuk keni me çfarë të pastroni fytyrën atë ditë, më mirë përdorni vetëm ujë të thjeshtë, thonë dermatologët.
Dermatologët thonë se pecetat nuk janë efikase në fshirjen e gjithë papastërtisë dhe këto me kalimin e kohës bllokojnë poret, e shkaktojnë shpërthime dhe acarim nga produkti i mbetur në lëkurë.
