Dhimbja e shpinës është ndër ankesat më tipike që ndodhë me kalimin e moshës. Edhe pse nuk mund të parandalohet gjithmonë, të kuptuarit e shkaqeve mund të ndihmojë për të mbajtur nën kontroll shqetësimet.
Por, çfarë fshihet pas shqetësimit, dhe a ka ndonjë gjë që mund të bëhet për ta larguar atë?
Arsyet pse dhimbja e shpinës mund të përkeqësohet me moshën
Ekziston një listë problemesh që mund të shkaktojnë dhimbje në shpinë, shumë prej të cilave bëhen më të forta me kalimin e moshës. Disa nga shkaqet më të mundshme janë:
Dhimbje që lidhet me moshën
Pas dekadash pune të palodhur, pjesë të shtyllës kurrizore mund të fillojnë të konsumohen. Kjo ndodh në zona të shumta të saj, duke përfshirë nyjet, të cilat mund të manifestohen me dhimbje shpine.
Nga konsumimi, mund të ndodhë që dhimbja të shfaqet kryesisht në pjesën e poshtme të shpinës. Për shkak se kjo zonë mban pjesën më të madhe të peshës.
Rritja e rrezikut për probleme shëndetësore që mund të shkaktojnë dhimbje shpine
Konsumimi normal që ndodh me kalimin e moshës ndonjëherë mund të krijojë hapësirë për sëmundje kronike të shpinës. Disa nga shkaktarët më të zakonshëm përfshijnë:
Stenozën kspinale, ku palca kurrizore dhe nervat ngjeshen dhe shkaktojnë dhimbje të shpinës, qafës dhe dobësi në krahë ose këmbë.
Spondilolisteza, e cila ndodh kur një rruazë në shtyllën kurrizore pëson zhvendosje.
Artriti, ku kërci në shtyllën kurrizore bëhet i hollë dhe acarohet.
Një problem tjetër që ka më shumë gjasa të shfaqet është osteoporoza, ku kockat bëhen më të dobëta dhe më të brishta. Kjo mund të shkaktojë dhimbje nëse preken kockat në shtyllën kurrizore.
Mundësi më të mëdha lëndimi
Duke folur për osteoporozën, është e mundur që gjendja të shkaktojë fraktura të vogla të shtyllës kurrizore të quajtura mikrofraktura.
Këto fraktura nuk ndodhin nga një aksident si rrëzimi, por mund të zhvillohen kur kockat në shtyllën kurrizore nuk janë mjaft të forta për të mbajtur peshën gjatë aktiviteteve të përditshme.
Mikrofrakturat janë lëndimet e shumta që mund t’ju lëndojë shpinën.
Zakonet e jetesës jo të shëndetshme
Qëndrimi ulur për periudha të gjata mund t’i dobësojë muskujt e shpinës, duke ju bërë të prirur ndaj lëndimeve dhe qëndrimit jo korrekt.
Shtimi në peshë, gjë që bëhet edhe më e zakonshme me kalimin e moshës, mund të shkaktojë tendosje të tepërt në shpinë dhe të çojë në dhimbje.
Si të trajtohen dhimbjet e shpinës që lidhen me moshën
Trajtimi varet nga shkaku kryesor i dhimbjes. Ndryshimet e stilit të jetesës zakonisht mund të jenë të dobishme, por ndonjëherë mund të nevojiten trajtime të tjera si mjekimi apo edhe kirurgjia.
Të tjera këshilla janë:
T’i kushtohet vëmendje qëndrimit. Duhet mbajtur shtyllën kurrizore sa më të drejtë.
Aktiviteti, pasi qëndrimi ulur i bën muskujt më të dobët, duke përkeqësuar kështu gjendjen e trupit. /Agroweb
