Në mes të natës, bota nganjëherë mund të duket si një vend i errët. Nën errësirë, mendimet negative gjejnë një mënyrë për t’u ngritur në mendje, dhe ndërsa shtriheni zgjuar, duke shikuar tavanin, mund të filloni të keni dëshira për kënaqësi që ju vënë në faj, si një cigare ose ushqim me plot karbohidrate.

Shumë prova sugjerojnë se mendja e njeriut funksionon ndryshe nëse është zgjuar gjatë natës. Pas mesnatës, emocionet negative kanë tendencë të marrin vëmendjen tonë më shumë se ato pozitivet, idetë e rrezikshme rriten dhe frenimet bien, shkroi ScienceAlert të shtunën.

Disa studiues mendojnë se ritmi cirkadian i njeriut është i përfshirë thellë në këto ndryshime kritike të funksionit, thuhet në një studim të ri mbi provat se si sistemi i trurit funksionon ndryshe pas errësirës.

Teoritë e tyre të quajtura “Mendja pas Mesnatës” sugjeron se trupi i njeriut dhe mendja e njeriut ndjek një cikël natyror 24-orësh aktiviteti që ndikon në emocionet dhe sjelljet tona.

Me pak fjalë, në orë të caktuara, specia jonë është e prirur të ndihet dhe të veprojë në mënyra të caktuara. Gjatë ditës, për shembull, nivelet molekulare dhe aktiviteti i trurit përshtaten me zgjimin. Por natën, sjellja jonë e zakonshme është të flemë.

“Ka miliona njerëz që janë zgjuar në mes të natës, dhe kjo është dëshmi e mirë se truri i tyre nuk po funksionon mirë ashtu si gjatë ditës”, tha neurologia Elizabeth Klerman.

Autorët përdorën dy shembuj për të ilustruar pikën ku arritën. I pari ishte i një përdoruesi të heroinës që menaxhon dëshirat e tij gjatë ditës por dorëzohet në dëshirat e tij gjatë natës.

Shembulli i dytë është i një studenti që vuan nga pagjumësia, që fillon të ndihet i pashpresë, i vetmuar dhe i dëshpëruar derisa nata bie.

Të dy skenarët mund të kenë rezultatin fatal. Vetëvrasja dhe vetëlëndimi janë shumë të zakonshme gjatë natës. Në fakt, disa raporte të studiuesve tregojnë se ka rrezik trefish më të lartë të vetëvrasjeve nga mesnata deri në orën 6 të mëngjesit krahasuar me çfarëdo ore gjatë ditës.

Megjithatë, studiuesit u shprehën se asnjë studim nuk ekzaminon se si ndikon mungesa e gjumit në funksionimin e një personi.

Për shembull, nuk dihet se si punonjësit me ndërrime, si pilotët apo mjekët, përballojnë rutinën e tyre të pazakontë të gjumit.

Dihet shumë pak për atë se si punon truri i njeriut. Qoftë në gjumë apo zgjuar, mendja pas mesnatës është një mister.