Qeveria britanike po shkon drejt dështimit në planet e saj për të kufizuar ndryshimet klimatike, kanë paralajmëruar këshilltarët e saj.
Komiteti i Ndryshimeve Klimatike thotë se nëse politikat nuk përmirësohen rrënjësisht, Qeveria do duhet ta provojë një mënyrë tjetër, duke i bindur njerëzit të fluturojnë më pak dhe të hanë më pak mish.
Komiteti përmend gjithashtu një mungesë "tronditëse" të politikës për të izoluar shtëpitë e njerëzve, duke thënë se familjet do të kursenin 40 funte në vit në fatura, nëse politikat e mëparshme të izolimit nuk do ishin hequr.
CCC tha gjithashtu se Departamenti i mjedisit, Defra, ishte fajtor për "të menduarit magjik", për uljen e emetimeve të ngrohjes së planetit nga fermat.
Nëse nuk trajtohen strehimi dhe bujqësia, Britania e Madhe nuk do të arrijë objektivin e saj për të arritur emetimet neto zero deri në vitin 2050, thotë CCC.
Komiteti është një organ i pavarur që këshillon mbi politikat klimatike. Ky raport është një rishikim vjetor i progresit për deputetët.
Raporti mburr ministrat për dy çështje: se programi i Qeverisë për energjinë e rinovueshme do t'i kursejë njerëzve 125 funte në vit nga faturat deri në vitin 2030.
Dhe përgëzon ministrat për promovimin e makinave elektrike, edhe pse thuhet se nevojiten më shumë pika karikimi dhe më shumë furgona elektrikë.
Në përgjigje të raportit, Qeveria vuri në dukje se gjatë tre dekadave të fundit, Britania e Madhe kishte ulur emetimet më shpejt se çdo vend tjetër i G7-s dhe se kishte plane të qarta për të shkuar më tej.
"Britania e Madhe po kalon përpara shumicës së vendeve të tjera, me rreth 40% të fuqisë sonë, që tani vjen nga burime të rinovueshme, më të pastra dhe më të lira", tha ai.
"Kjo është mbështetur nga 6 miliardë funte financim për t'i bërë shtëpitë dhe ndërtesat tona më efikase në energji, duke mbjellë deri në 30000 hektarë pemë të reja në vit dhe më shumë makina elektrike se kurrë më parë në rrugën tonë, duke dekarbonizuar makinat dhe furgonët tanë më shpejt se çdo vend tjetër i zhvilluar”.
Mst: Pak prova
Komiteti pajtohet që politikat e reduktimit të karbonit tani janë në fuqi për shumicën e sektorëve të ekonomisë, por ai thotë se ka "prova të pakta", që këto synime do të realizohen.
Dhe paralajmëron se ministrat kanë nevojë për një plan rezervë, duke përfshirë masat që ata mund të preferojnë t'i shmangin, të tilla si kërkimi nga publiku për të ndryshuar sjelljen, duke ngrënë më pak mish dhe duke fluturuar më pak.
Kryetari Lord Deben i tha BBC News se ekstremet e fundit klimatike ishin "shumë, shumë shqetësuese". Ai vazhdoi: “Publiku duhet të jetë krenar që Britania e Madhe i vendos objektivat më të mira, por unë jam shumë i shqetësuar se nuk ka një program bindës për ofrimin e politikave.
"Jam seriozisht i shqetësuar se ne nuk po lëvizim aq shpejt sa për të shmangur një katastrofë të vërtetë".
Lord Deben, u përqendrua në atë që ai e quajti "mungesë e politikës së arsyeshme", për izolimin e shtëpisë. Ai tha se ishte "skandaloze" që ndërtuesit e shtëpive po ndërtonin ende shtëpi të reja që do të kenë nevojë për rinovim.
Në përgjithësi, komiteti thotë se ekzistojnë plane kredibile, për mbi një të tretën e reduktimeve të emetimeve të nevojshme deri në mesin e vitit 2030. Me fat, Britania e Madhe do të menaxhojë një tremujor tjetër; por ekziston një rrezik i lartë që mbi një e treta e planeve të mos realizohen.
Ai bën thirrje për një strategji angazhimi publik për uljen e emetimeve dhe kërkon analiza nga Thesari, që shpjegon se si do të ndahen kostot dhe përfitimet e tranzicionit me karbon të ulët. Ai gjithashtu kërkon ndryshime në politikat tatimore dhe legjislacionin e planifikimit.
Raporti i këtij viti shkon në 600 faqe, tre herë më i gjatë se zakonisht. Kjo sepse në vend që të mbështetet vetëm në të dhënat e raportuara, këtë herë komiteti ka kërkuar prova mbi bazën e tranzicionit me karbon të ulët në veprim.
Mst: Dështimi i planit
Në një konferencë, komiteti kundërshtoi përsëri propozimet për një minierë të re qymyri në Cumbria, por tha se do të kishte vetëm një rritje të vogël të emetimeve nëse stacionet e vjetra të qymyrit do të përdoreshin për të mbajtur dritat ndezur në dimër.
Ai tha se ambiciet e Qeverisë për energjinë bërthamore do të ishin "shumë të vështira" për t'u përmbushur.
Zëdhënësja e Greenpeace, Ami McCarthy, tha: “Është ironike që CCC-ja e ka quajtur këtë një Raport Progresi, kur përparimi i Qeverisë në politikën klimatike është duke u ndalur.
“Sa më gjatë të zvarritet kjo Qeveri për të gjelbëruar shtëpitë tona, duke ofruar energji të rinovueshme dhe duke e larguar sistemin tonë të prodhimit të ushqimit nga mishi, aq më i mprehtë dhe më i kushtueshëm do të jetë ndryshimi. Koha po mbaron."
Ndërkohë, firma inxhinierike, Atkins, e konsideron CCC-në tepër optimiste. Analiza e saj e publikuar veçmas tregon se Britania e Madhe duhet të ndërtojë 12-16 GW kapacitet të ri gjenerues çdo vit nga tani, deri në vitin 2035. Ajo paralajmëron se: “Ritmi i ndërtimit të ri dhe kompleksiteti i sfidës nënkupton një hov për dekarbonizimin e energjisë deri në vitin 2035, që mund të mos jetë më një ambicie e besueshme për Britaninë e Madhe”.
Përktheu: Forca Jashari
