Njerëzit që përdornin kanabis shkuan në urgjencë ose u shtruan në spital 22 për qind më shpesh sesa ata që nuk përdornin kanabis, thuhet në një studim të botuar në “BMJ Open Respiratory Research”.
"Hulumtimi ynë tregon se përdorimi i kanabisit në popullatën e përgjithshme është i lidhur me rrezik të shtuar si nevoja për t'u paraqitur në urgjencë ose për t'u shtruar në spital", tha autori kryesor, Nicholas Vozoris, specialist i mushkërive në St. Michael.
Sipas hulumtimit, ndryshe nga duhani, ka disa pasiguri ose polemika në lidhje me ndikimet e pafavorshme shëndetësore të kanabisit.
“Disa individë mund të perceptojnë se kanabisi ka disa përfitime shëndetësore dhe se është i mirë. Hulumtimi ynë thekson për ata që përdorin - ose mendojnë të përdorin - kanabis, se kjo lidhet me probleme shëndetësore".
Lëndimet e rënda fizike dhe mushkëritë ishin dy shkaqet kryesore të shkuarjes në urgjencë dhe shtrimeve në spital nga përdoruesit e kanabisit, shkroi FoxNews të mërkurën.
Studiuesit gjetën se shkuarja në urgjencë ose shtrimet në spital për çfarëdo arsye u rritën me rreth 22% në mesin e atyre që përdornin kanabis, gjë që sugjeron se kanabisi mund të çojë në rezultate të pafavorshme shëndetësore.
© KOHA. Të gjitha të drejtat janë të rezervuara.
