Është veçanërisht e rëndësishme tani me sistemet e kujdesit shëndetësor nën tendosje dhe me njerëzit në situata me rrezik më të lartë, si ambiente të mbushura me njerëz, ambiente të brendshme për periudha të gjata

A është më mirë ta mbash një N95 apo një maskë prej pëlhure tani?

Ekspertët e shëndetit kanë sugjeruar të rrisin mbrojtjen kundër variantit tejet ngjitës Omicron me maska më të forta, të tilla si N95-at ose KN96-at.

Është veçanërisht e rëndësishme tani me sistemet e kujdesit shëndetësor nën tendosje, dhe me njerëzit në situata me rrezik më të lartë, si ambiente të mbushura me njerëz, ambiente të brendshme për periudha të gjata, ka thënë Linsey Marr, e cila studion viruset në Virginia Tech.

Qendra amerikane për Kontrollimin dhe Parandalimin e Sëmundjeve së fundmi ka përditësuar udhëzimin e saj për rekomandimin e llojeve të maskave të përdorura nga punëtorët e kujdesit shëndetësor, mirëpo gjithashtu ka vënë në dukje se është e rëndësishme të merret një maskë që përshtatet mirë e që do të mbahet vazhdimisht.

“Mesazhi ynë kryesor vazhdon të jetë që çdo lloj maske është më mirë se hiç”, ka thënë në një deklaratë Kristen Nordlund, zëdhënëse e CDC-së.

Më parë, CDC-ja kishte thënë se maskat N95 duhet të rezervohen për punonjësit e kujdesit shëndetësor për shkak të mungesës së furnizimit. Ekziston një kategori e veçantë e maskave “kirurgjikale N95” që përgjithësisht nuk janë të disponueshme për shitje në publik, CDC-ja thotë se duhet të vazhdojë të jenë të rezervuara për mjediset e kujdesit shëndetësor.

N95-të kanë një përshtatje më të ngushtë në fytyrën tuaj sesa maskat prej pëlhure dhe janë bërë me një material të veçantë të krijuar për të bllokuar 95% të grimcave të dëmshme. Fijet shtypen më afër njëra-tjetrës, sesa në maskat prej pëlhure dhe kanë një ngarkesë elektrostatike që tërheq molekulat që të ngjiten në maskë në vend që të kalojnë.

KN95 dhe KF94 ofrojnë një nivel të ngjashëm mbrojtjeje. Një listë e plotë e maskave që plotësojnë një standard ndërkombëtar të cilësisë është në dispozicion në faqen e internetit të CDC-së.

Mirëpo, kini kujdes kur blini. Tregu i falsifikimit është i madh dhe rreth 60% e KN95-ve në SHBA janë false dhe nuk plotësojnë standardet e cilësisë.

Është e vështirë të dallosh vetëm duke parë nëse një maskë është e falsifikuar, kështu që ekspertët sugjerojnë blerjen direkt nga shitësit me reputacion. Projekti N95 është gjithashtu një shitës i njohur i markave të vlefshme dhe Marrka thënë se ajo blen maska ​​përmes furnitorëve industrialë si Grainger ose McMaster-Carr.

Nëse e keni të vështirë t'i mbani N95 për periudha të gjata, ekspertët sugjerojnë të eksploroni forma dhe stile të ndryshme në dispozicion për të parë se çfarë funksionon më mirë për ju.