Lifestyle

OKB: Pandemia nuk ua ndali hovin ndryshimeve klimatike

 

“Ky është një vit kritik për veprim klimatik”, ka thënë sekretari i përgjithshëm i OKB-së, Antonio Guterres, duke shtuar se rezultatet e raportit përbëjnë “një vlerësim alarmues që tregon se sa larg shtegut të duhur ndodhemi aktualisht”

Kombet e Bashkuara kanë publikuar të enjten një raport, i cili paralajmëron se pandemia e COVID-19 nuk ka ndikuar në ngadalësimin e hovit të ndryshimeve klimatike.

Ngadalësimi ekonomik dhe izolimet për shkak të koronavirusit kanë gjeneruar vetëm një rënie të përkohshme të nivelit të emetimit të dyoksid karbonit gjatë vitit të shkuar, ka bërë të ditur Organizata Botërore e Meteorologjisë (WMO), ka raportuar Deutsche Welle.