Lifestyle

UNDP i dorëzoi QKUK-së 20 ventilatorë të tjerë

UNDP i dorëzoi QKUK-së 20 ventilatorë të tjerë

Programi i Kombeve të Bashkuara për Zhvillim (UNDP) në Kosovë, si reagim të menjëhershëm ndaj COVID-19, i dorëzoi të shtunën sasinë e dytë me 20 ventilatorë mobilë Qendrës Klinike Universitare të Kosovës (QKUK). Këta ventilatorë janë blerë me fonde të qeverive të Norvegjisë, Zvicrës dhe Luksemburgut. Ventilatorët do të rrisin kapacitetin e kujdesit intensiv të sektorit shëndetësor të Kosovës. Për shkak të situatës aktuale kritike, ventilatorët u dërguan menjëherë në QKUK, sapo arritën në Kosovë.

Znj. Maria Suokko, përfaqësuesja e përhershme e UNDP-së, znj. Ulrika Richardson, koordinatorja e OKB-së për Zhvillim, Sh.T. Jens Erik Grøndahl, ambasadori i Norvegjisë, Sh.T. Jean-Hubert Lebet, ambasadori i Zvicrës dhe znj. Natacha Gomes, e ngarkuara me punë në Ambasadën e Dukatës së Madhe të Luksemburgut lëshuan deklarata me shkrim për të shënuar dorëzimin e këtij donacioni shumë të rëndësishëm.