Edhe pse syzet e realitetit të shtuar (AR) janë potencialisht shumë të dobishme, ato gjithashtu mund të jenë të çuditshme për t'u bartur dhe nganjëherë paksa qesharake.
Start-up, kompania nga Kalifornia, Mojo Vision, po e zhvillon një alternativë më të bukur, më pak qesharake, në formën e thjerrëzave AR.
Aktualisht, në formën e prototipit punues, produkti i kompanisë Mojo Lens përmban atë që konsiderohet si "ekrani më i vogël dhe më i dendur dinamik i bërë ndonjëherë". I mbivendosur mbi pikëpamjen e përdoruesit për botën e vërtetë, teksti dhe grafika lëvizëse shpërndahen në një intonacion pikselash prej mbi 14,000 ppi (piksel për inç) dhe një densitet pikselësh prej mbi 200 milionë pikselë për inç katror, transmeton Koha.net.
Në thjerrëz është i integruar "sensori më efikas energjitik në botë i imazhit, i optimizuar për vizion të kompjuterit", një radio transmetues/pranues dhe sensorë lëvizjeje që i ndjekin lëvizjet e syve të përdoruesit dhe e stabilizojnë ekranin MicroLED. Dhe derisa prototipi aktual funksionalizohet pa tel, është thënë që planet përfshijnë që versioni përfundimtar ta ketë një bateri filmi të hollë, e cila do të duhej të punojë për një ditë të plotë për mbushje.
Kompania e ka emërtuar teknologjinë e saj të thjerrëzave Invisible Computing, pasi që nuk mund të shihet nga shikuesit dhe nuk i pengon përdoruesit apo lëvizjet e tyre.
Siç ndodh me syzet AR, informacioni i shfaqur do të transmetohet pa tela nga smartphone-i i përdoruesit përmes një pajisje të vogël, të bartshme për rele. Ky informacion mund të përbëhet nga gjërat si mesazhet tekstuale, shenja navigimi kthesë-pas-kthese, pika bisedimi për prezantime, ose udhëzime për riparimin e makinerive.
Natyrisht, ka shumë aplikime të tjera të mundshme. Për shembull, Mojo Vision po punon gjithashtu në një funksion për përdoruesit me shikim të dobët, në të cilin përdoren grafika të mbivendosura për t’i përmirësuar imazhet e objekteve të botës reale. Dhe po, thjerrëzat mund të bëhen për përshkrimet unike optike të përdoruesve.
Atëherë, kur do të mund t’i blini ato? "Mojo është ende në proces të dizajnimit, prototipimit dhe testimit të Mojo Lens, kështu që është herët të paralajmërohet disponueshmëria dhe çmimet," thotë nënkryetari i lartë i produkteve dhe marketingut të Mojo Vision, Steve Sinclair. "Edhe pse presim që ta kompletojmë zhvillimin e gjeneratës së parë të Mojo Lens gjatë dy vjetëve të ardhshëm, ato u nënshtrohen aprovimeve dhe certifikimit rregullator nga FDA-ja".
{gallery}
