Ilir Abdullahu, floktari i njohur nga Prishtina, ka rrëfyer në emisionin Jeta të KTV-së për zanatin e tij të veçantë e ka zbuluar shumë të pathëna nga karriera e tij e gjatë.

Ai kishte trashëguar këtë zanat nga babai i tij, Asllani. Sot tradita vazhdon me të birin e Ilirit, Albanin.

Për herë të parë në jetën e tij, floktari Ilir Abdullahu ka folur në një intervistë televizive.

Ai ka rrëfyer edhe se si kishte fituar në një garë në Jugosllavi në vitin 1981. Ka thënë se ishte dërguar me zor në Beograd në garën në të cilën doli kampion. Por ai ka thënë se atë mirënjohje e ka grisur. Sipas tij, një gjë të tillë nuk e toleronte vetë emri i tij, Ilir.

Të tjera të pathëna, kujdesi ndaj klientëve, llojet e flokëve dikur e sot ishin tema të tjera që u shpjeguan nga ai në emisionin e së dielës.