“Flladi” gati edhe për një sezon tjetër

“Flladi” gati edhe për një sezon tjetër

14 July 2019 10:00

Skema programore e KTV-së edhe sivjet sjell programin flladitës në KTV. Nga e hëna deri të premten, nga ora 18:00 do të vijnë 30 emisione të “Flladit”, i cili për të dytin vit vjen në formatin e reportazheve.

Në pjesën e parë të episodeve të “Flladit” do të vijë një seri emisionesh, që promovojnë produktet e reja turistike nëpër Kosovë (paragliding, kayaknig, zip line e escape room), si dhe potencialin dhe hapat që Kosova ka bërë në zhvillimin e turizmit, duke kaluar tutje tek reportazhet për rivierën shqiptare nga Dhërmiu deri në Shëngjin.

Një pjesë e veçantë e emisioneve të “Flladit” do t’i dedikohet si rëndom Ulqinit. Ndryshe, “Flladi” këtë sezon ka rezervuar edhe javën për ciklin e dokumentarëve që i dedikohen kulturës, respektivisht speciales për prezantimin e sivjetmë të Kosovës në Bienalen e Venecias, prezantimin e Filarmonisë së Kosovës në Paris dhe rrëfimin e disa prej artistëve më të suksesshëm kosovarë në skenën evropiane të artit pamor.

Nga redaksia e sportit në kuadër të “Flladit” do të vijë një dokumentar për ikonën e futbollit kosovar, Fadil Vokrri, dhe rrugën e kombëtares së Kosovës drejt anëtarësimit në FIFA dhe UEFA, si dhe një tjetër dokumentar për jetën e sportistes më të suksesshme kosovare deri më sot, Majlinda Kelmendi.

Flladi vjen në transmetim prej 22 korrikut.

© KOHA. Të gjitha të drejtat janë të rezervuara.

Komentet

Shto koment

Të ngjashme