Vaksinat ishte tema tjetër që u diskutua në “Talk” Të KTV-së me alergoimunologen Luljeta Ahmetaj.

Ajo foli edhe për dilemën rreth marrjes së vaksinave që nga mosha e hershme në fëmijëri.

Dilema të shumta ka pas edhe për vaksinat që mendohej se po shkaktonin autizëm te fëmijët.

Ahmetaj ka thënë se kjo nuk është aspak e vërtetë dhe se vaksina është revolucioni më i madh në mjekësi.

Studimi i doktoreshës kosovare për mjaltin po gjen zbatim në shkollat franceze

Sonte në emisionin “Talk” në KTV u fol për “Përfitimet që marrim nga ajri, uji dhe toka e pastër”.

Në emision e ftuar ishte Luljeta Ahmetaj, alergoimunologe, që shpjegoi një studim të saj për mjaltin e që thotë se po zbatohet në institucionet shkollore në Francë.

Ajo ka treguar se vjet më parë e kishte prezantuar studimin “Mjalti – kur dhe pse për disa individë mund të jetë vdekjeprurës” në një konferencë në Nice të Francës, e ku kishte pjesëmarrës nga e gjithë bota.

Nga viti 2017, sipas saj, ky studim është duke gjetur zbatim në institucionet shkollore të Francës.