Lumturia zgjat më shumë kur dhuroni se sa kur merrni Foto: Ilustrim

Lumturia zgjat më shumë kur dhuroni se sa kur merrni

02 January 2019 18:21

Të shohësh buzëqeshjen në fytyrën e një personi ndërkohë që hap një pako, sytë që i shkëlqejnë për mendimin që i është dedikuar, në prag të festave të fundvitit shkenca konfirmon atë që në të vërtetë shumë persona e kishin kuptuar, kënaqësia e të dhënit është më e madhe se sa ajo kur merr dhe zgjat më shumë.

Sipas një studimi të bërë nga “University of Chicago Booth School of Business” dhe nga “Northwestern University Kellogg School of Management”, që do të botohet në revistën “Psychological Science” por që u nxor më herët, zbulon në fakt se lumturia që ndjejmë pas një ngjarje të caktuar apo aktiviteti bie çdo herë që e eksperimentojmë, një fenomen që njihet si përshtatje hedonike, por t’i dhurosh të tjerëve mund të jetë një përjashtim nga kjo rregull.

Në një eksperiment pjesëmarrësit, 96 studentë universitarë, mori secili pesë dollarë çdo ditë për pesë ditë, që duhej ta shpenzonin për të njëjtën gjë çdo herë. Studiuesit i kërkuan në mënyrë të rastësishme pjesëmarrësve të përdorin paratë për veten ose dikë tjetër, për shembull duke lënë paratë në një kuti bakshishesh në të njëjtin bar ose duke bërë një dhurim në të njëjtën organizatë bamirësie çdo ditë.

Të dhënat kanë treguar një skemë të qartë, pjesëmarrësit filluan me të njëjtin nivel lumturie dhe ata që kanë shpenzuar para për veten kanë regjistruar një rënie të vazhduar, që në fakt nuk ndodhte për ata që ia dhuruan dikujt tjetër.

Kënaqësia e të dhuruarit për të pestën ditë radhazi ishte e fortë sa në fillim. Dy studiuesit Ed O’Brien dhe Samantha Kassirer zhvilluan më pas një eksperiment të dytë në internet, në të cilin 502 pjesëmarrës luajtën 10 raunde të një loje.

Fituan pesë qindarka për raund, duke zgjedhur nëse t’i mbajnë ose t’ia japin një organizate sipas dëshirës së tyre. Edhe në këtë rast u shfaq që lumturia e atyre që i dhuruan paratë e fituara ra më me ngadalësi./atsh

Komentet

Shto koment

Të ngjashme