Varrezat më të vjetra të njohura në botë u gjetën në Afrikën e Jugut. Varret e lashta mendohet të jenë të paktën 200 mijë vjet të vjetra, shkruan DailyMail.
Shkencëtarët kanë gjetur skelete të specieve Homo naledi, të afërm të njerëzve. Këta njerëz të lashtë ishin të shkurtër, kishin krahë të gjatë, gishta të lakuar dhe tru të vogël në madhësinë e një portokalli. Varret 100 mijë vjeçare të Homo sapiens besohej më parë të ishin varrezat më të vjetra në historinë e homininëve.
Lee Berger udhëhoqi gërmimin në sistemin e shpellave Rising Star, pjesë e Djepit të Njerëzimit, i cili është pjesë e Trashëgimisë Botërore të UNESCO-s në Afrikën e Jugut. Ekipi zbuloi disa fosile të specieve Homo naledi të varrosura rreth 30 metra thellë në sistemin e shpellave Rising Star në këtë vend.
“Të jesh brenda shpellave, brenda botës së Homo naledit, nuk është vetëm një aventurë që ndryshon jetën, por ajo që kemi zbuluar na detyron të rimendojmë një sërë supozimesh rreth homininëve dhe evolucionit njerëzor”, ka thënë Fuentes, profesor i antropologjisë.
Varrimet në formë ovale përmbanin mbetjet e dhjetëra speciesh të zhdukura hominin, të cilat ndoshta ishin varrosur në pozicionin e fetusit. Disa u identifikuan si të rritur, por kishte edhe fëmijë ndoshta më të vegjël se 13 vjeç.
-
Zbulohen specie misterioze që jetuan 100,000 vjet para njerëzve
-
Gjurmët 90-mijëvjeçare të vjetra të njeriut zbulohen në Marok
-
Arkeologët besojnë se kanë zbuluar mumien më të vjetër deri më sot
-
Mbetjet fosile të një gruaje mendohet të jenë mbi 3 milionë vjet të vjetra
-
Shpella e gjurmëve të jetës para 300 mijë vjetësh