Një vepër arti abstrakte e piktorit holandez Piet Mondrian është varur me përmbys në galeri të ndryshme për 75 vjet, ka thënë një historian arti, shkroi BBC të shtunën.
Pavarësisht zbulimit të fundit, vepra, e titulluar “New York City I”, do të vazhdojë të shfaqet në mënyrë të gabuar për të shmangur dëmtimin e saj.
Vepra e vitit 1941 u shfaq për herë të parë në MoMA të New Yorkut në vitin 1945.
Ajo është varur në koleksionin e artit në Düsseldorf që nga viti 1980.
Kuratorja Susanne Meyer-Büser vuri re gabimin e kahershëm, por paralajmëroi se mund të shpërbëhej nëse varej nga ana e drejtë.
Edhe
Mozarti në 300 statuja të arta për një takim me “njeriun e zakonshëm”
“New York City I” është një version me shirit ngjitës i pikturës së njëjtë të artistit i New Yorkut.
Galeria në Düsseldorf e përshkruan veprën si “një ritëm i gjallë, dinamik i vijave të kuqe, blu dhe të verdha, që zuri vendin e gjuhës piktoreske të reduktuar rrënjësisht me strukturën gjeometrike dhe reduktimin në ngjyrat kryesore, si dhe ngjyrat bardh e zi”.
