Ish-diktatori nazist i Gjermanisë, Adolf Hitler, preferonte t’i kalonte pushime në Obersalzberg, në alpet bavareze, ku edhe vendosi selinë e dytë të qeverisë. Qendra e dokumentacionit që do të zgjerohet së shpejti të kujton kapitullin e errët historik të atij qyteti malor.
Obersalzberg është një mijë metra mbi nivelin e detit. Pamja nga lart është spektakolare. Vendi ishte i dashur edhe nga Adolf Hitleri, i cili i kishte kaluar pushimet atje që nga viti 1923, shumë kohë përpara se të hynte në historinë botërore.
Si një turist normal, Hitleri ishte një "njeri komunikues", siç tha më vonë në një intervistë pronari i atëhershëm i hotelit ku qëndroi diktatori i ardhshëm nazist dhe vrasësi masiv. Në vitin 1925, Hitleri mori me qira një kasolle me dru në këtë vend afër kufirit austriak, ku shkroi pjesën e dytë të broshurës së tij programore "Mein Kampf". Më vonë, ai qëndroi në shtëpinë e fshatit "Wahenfeld".
Ai e bleu shtëpinë sapo mori pushtetin më 1933. Ai e shndërroi atë në një "Berghof" luksoz - dritare panoramike, bar bodrum, rrugicë të mira. Rreth selisë u ndërtua një "zonë Führer" prej 100 hektarësh, e ndaluar për njerëzit e zakonshëm. Shtëpitë u ndërtuan aty nga marshalli Hermann Goering, arkitekti Albert Speer, por edhe udhëheqës të tjerë nazistë. Të gjithë ish-pronarët duhej të shisnin tokën, dhe ata që nuk donin, u dërguan në kampin e përqendrimit në Dachau. Vendi shpejt u bë një lloj vendbanimi i elitës naziste asokohe.
Sot, mbi 170 mijë turistë vizitojnë vendin e preferuar të Hitlerit. Qendra pritet të zgjerohet gjatë vitit 2022 për të qenë e gatshme për të pritur edhe më shumë turistë.
-
Shtëpia ku lindi Hitleri tani do të shndërrohet në qendër policësh
-
Shtëpia e ish-komandantit të kampit të vdekjes hap dyert për vizitorë
-
“Pas Hitlerit” me eksponatet e tmerrit si thirrje kundër nacionalizmit
-
Ish-bunkeri nazist që sot funksionon si vend relaksimi
-
Transformimi i vendlindjes së Hitlerit në stacion policor ngjall reaksion