Autoritetet në Romë po ndërmarrin veprimet për të trajtuar përhapjen e minjve rreth Koloseumit.
Turistët kanë postuar video në rrjete sociale ku shihen brejtësit duke u endur pranë amfiteatrit antik, raporton BBC.
Shefja e kompanisë përgjegjëse për pastrim në Romë, Sabrina Alfonsi, ka thënë se ka pasur një “intervenim të jashtëzakonshëm” gjatë fundjavës nga punëtorët e pastrimit, të cilët kanë larguar mbeturinat dhe kanë vendosur kurthe.
Alfonsi ka thënë se minjtë janë afruar rreth Koloseumit shkaku i grumbujve të mbeturinave që po lënë turistët.
Ajo ka thënë po ashtu se vala e fundit e nxehtësisë ka përkeqësuar situatën.
Alfonsi insiston se situata është nën kontroll, por thotë se operacionet do të vazhdojnë edhe gjatë javës së ardhshme.
Artikuj të ngjashëm
