Një zejtar violinash ka përdorur përbërës, përfshirë dru dardhe të zier me avull, manaferra dhe ujë për të krijuar një violinë vegane, shkruan BBC-ja.
Padraig O’Dubhlaoidh arriti të realizonte violinën plotësisht pa produkte shtazore, në laboratorin e tij në Malvern Hills, gjatë bllokimit për shkak të koronavirusit.
Kjo violinë me porosi, është e para në botë që regjistrohet nën markën ”The Vegan Society”.
”Për krijimin e violinës 8.000 funtëshe u përdorën përbërës natyralë”, thuhet në komunikatën e shoqatës. ”Historikisht qimet e kalit, thundrat, brirët dhe kockat janë përdorur për të krijuar instrumente”, theksoi ”The Vegan Society” duke shtuar se ishte “jashtëzakonisht emocionuese”.
Kreu i shoqatës Erick Durgahee, tha se violina do të jetë muzikë për veshët e shumë violinistëve që kanë dëshiruar një instrument të cilësisë së lartë pa produkte shtazore.
”Ura që mban telat e instrumentit u bë nga dru dardhe të zier me avull e cila është e lyer me ngjyrë të zezë”, theksoi Dubhlaoidh.
Edhe
Behluli: Në ushqimet bazë s’guxon të ketë vaj palme
Mjeshtri që bën violina prej 40 vjetësh, tha se ”një klient i kërkoi të bënte një instrument vegan disa vite më parë”.
“Ishte një pyetje intriguese. Mendova se sa veganë ka, muzikantë të mundshëm, etika e të cilëve nuk i lejon ata të luajnë violin… duhet të jetë e tmerrshme”, shtoi ai. “Bota po ndryshon shumë tani, veçanërisht brezat e rinj, ata po bëjnë ndryshime të mëdha në botë dhe unë jam shumë krenar për këtë”. /ata
-
Spahija: Po i presim rezultatet nga mostrat që AUV-i i ka marrë në inspektimin e fundit
-
“Vita”: Rezultatet e analizave të mëhershme të AUV-it vërtetuan që s’përdorim vaj palme e qumësht pluhur
-
Kush nuk duhet të konsumojë kurrë vezë të pagatuara
-
AUV në pritje të rezultateve laboratorike të mostrave të qumështit “Vita”