Si mundet një maçok tre vjeç të bëhet një yll në rrjetet sociale, brenda një kohe të shkurtër? Maçoku me emrin DOG, është bërë shitësi më i famshëm i peshkut në Vietnam.
Pronari i tij i ka dhënë për detyrë që të tërheqë klientë në një treg peshku, duke e veshur me kostume të vogla elegant dhe të rafinuar, transmeton abcnews.al. Fotografitë e tij kanë bërë xhiron e rrjeteve sociale, pasi maçoku ka hyrë tërësisht në rolin e tij të biznesmenit.
Sipas pronarit të tij, ai ka shumë të fejuara dhe këlyshë, dhe i pëlqen të pozojë për aparatet fotografikë si dhe të vishet me kostume. Që nga momenti që maçoku ka marrë përsipër të shesë peshk, pronari i tij pranon se të ardhurat janë shtuar dukshëm.
