Një bebeje në British Columbia, Kanada, i është lëshuar letërnjoftimi me gjini “të panjohur”, pasi prindërit e foshnjës luftuan që ta rrisin të porsalindurin me gjini neutrale.
Kori Doty është prind transgjinor jo-binar që po ashtu po lufton që gjinia e fëmijës tetë muajsh t’i hiqet nga certifikata e lindjes, e po ashtu edhe nga dokumentet tjera qeveritare.
“Shpesh them se nuk e di, apo se nuk po ngutem që t’i vë këto lloj etiketime këtij fëmije. Momentalisht është vetëm fëmijë”, ka thënë Doty kur u pyet për gjininë e fëmijës, transmeton Koha.net.
Doty raportohet të ketë sjellë në jetë beben Searyl në një shtëpi të një mikeje nëntorin e kaluar, dhe si i tillë, gjinia e foshnjës nuk është regjistruar nga një profesionist mjekësor. Kur Doty e regjistroi lindjen e Searylit në Agjencinë e Statistikave Jetësore në Kanada, gjinia e foshnjës u regjistrua si “e panjohur”.
Agjencia u pajtua që ta regjistronte lindjen, por refuzon të lëshojë certifikatë lindjeje për Searylin pasi që ASJ kërkon që në certifikatë të lindjes së specifikohet gjinia e personit.
Edhe
Italia njeh tre prindër për një fëmijë 4-vjeçar në një vendim historik gjyqësor
Doty është ankuar për këtë vendim, raporton “Vancouver Sun”, por në mënyrë krejt të papritur pranoi një kartelë neutrale ndaj gjinisë gjatë muajit qershor. Kjo kartelë i është siguruar nga Ministria e Shëndetësisë dhe është lëshuar nga Ministria e Teknologjisë, Inovacionit dhe e Shërbimeve për Qytetarë.
“Unë nuk ia caktoj gjininë fëmijës tim”, ka thënë Doty në një deklaratë. “Varet nga Searyl që të vendos se çfarë gjinie të ketë kur të rritet e të zhvillohet”.
“Nuk dua t’ia kufizoj zgjedhjet bazuar në një përcaktim arbitrar të gjinisë qysh në lindje duke u bazuar thjeshtë në një inspektim të organeve gjenitale”, ka shtuar Doty.
Kartela e shërbimeve neutrale ndaj gjinisë do të ndihmojë në fuqizimin e rastit të Dotyt, ka thënë avokatja e saj, Barbara Findlay.
Edhe
Klinikat e fertilitetit në Qipron Veriore u dhanë familjeve spermën e gabuar
Kujtojmë se precedentë të ngjashëm kanë ndodhur në pjesë tjera të Kanadasë: Alberta lejon që njerëzit të vënë “X” tek hapësira e gjinisë në certifikatat e lindjes dhe në dokumentet tjera qeveritare, ndërsa Ontario ofron kartela shëndetësore neutrale ndaj gjinisë sikurse edhe patentë shoferë, dhe këtë planifikon ta aplikojë edhe në certifikata të lindjes nga viti i ardhshëm.
Edhe qyteti i New Yorkut në SHBA ka lëshuar vitin e kaluar certifikatën e parë jo-binare të lindjes. Gjermania, e cila të premten miratoi martesat mes gjinisë së njëjtë, është bërë vendi i parë në Evropë që lejon prindërit të heqin gjininë e fëmijëve të tyre nga certifikata e lindjes më 2013.
