Për afër 30 vitesh, Masafumi Nagasaki ka jetuar gati në izolim total.
Tani, 82 vjeçar, Nagasaki është hequr nga shtëpia e tij pasi u bë vullnetarisht njeriu që ka jetuar i vetëm më së gjati që është regjistruar ndonjëherë.
Për dekada me radhë, ai ishte banuesi i vetëm i ishullit Sotobanari të Japonisë, i cili shumë rrallë edhe nga peshkatarët vizitohet për shkak të rrymave të rrezikshme që e rrethojnë atë, transmeton koha.net.
Alvaro Cerezo, i cili udhëton botën për të dokumentuar vetmitarët si Nagasaki, ka raportuar për këtë në ueb faqen e tij Docastaway.
Cerezo ka kaluar 5 ditë me japonezin vetmitar para se largohej nga aty.
Edhe
Tsutomu Yamaguchi - i mbijetuar dy herë nga bombat atomike
Cerezo ka treguar për Japonezin se: “Dikush e pa atë në ishull dhe dukej se ai nuk ishte në gjendje të mirë. Ata kanë thirr policinë e ata e rikthyen atë në civilizim dhe kjo ishte e gjitha. Ai as nuk mund të luftonte për tu rikthyer pas në ishull, pasi ishte i dobët. Ata nuk do ta lejonin atë”.
“Shëndeti i tij ishte i mirë, ai thjesht ishte sëmurë apo ishte me grip (kur ai u largua nga ishulli) por ata nuk do të lejojnë atë të që të rikthehet, ai nuk mund të shkoj më atje, ka marrë fund kjo”.
Nagasaki më parë ishte fotograf e madje drejtoi një klub në Niigata por “atij nuk i pëlqente të fliste për të kaluarën e tij”, thotë Cerezo.
Ai vendosi që ta bëjë gati çantën e tij e të vendosej në Sobotanari, që do të thotë: “Ishull i largët” në dialek lokal.
Edhe
Surfisti 90-vjeçar nga Japonia po e mahnit gjithë botën
Ai që nga viti 1989 jeton i vetëm me ligjet e natyrës në këtë ishull në vetëm 1000 metra katrorë e i cili nuk ka ujë natyral.
{gallery}
