Gratë hindu mbi moshën 45 vjeçare dhe që udhëtojnë në grup prej 4 personash mund të shkojnë në pelegrinazhin e haxhit islamik pa shoqërues meshkuj nga viti i ardhshëm, nëse qeveria e Indisë miraton reformat e propozuara.
Gratë që i plotësojnë këto kritere nuk do të kenë më nevojë të shoqërohen nga një ‘mahram’, apo mashkull familjar, siç janë bashkëshorti, vëllai apo i biri, ka rekomanduar një panel i emëruar nga qeveria dhe kjo është hera e parë që shteti rishikon politikat e haxhit, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Rregulli i ‘mahramit’ ishte aty që nga fillimi për gratë – në rast se përballen me ndonjë vështirësi gjatë udhëtimit, të kenë dikë që mund të kujdeset për to”, ka thënë Maqsood Ahmed Khan nga Komiteti i Haxhit të Indisë, organ qeveritar që organizon pelegrinazhet.
“Kjo (largimi i kujdestarit mashkull) është rekomandim i rëndësishëm”, ka thënë shefi ekzekutiv për Reutersin.
Thuajse gjysma e rreth 170,000 pelegrinëve që shkuan në festën vjetore fetare në Arabinë Saudite nga India ishin gra, thonë zyrtarët.
Organizata për mbrojtjen e të drejtave të grave kanë mirëpritur një propozim të tillë, por kritikuan kriterin e moshës.