Një grup shpëtimtarësh në malet e Uellsit i doli në ndihmë një papagalli që kishte ngelur i bllokuar dhe i frikësuar mbi një kodër, shkroi Upi.
Ekipi i shpëtimit, i quajtur “Ogwen Valley” tha se mori informatën nga një grua që tha se papagalli i saj, në tentativë për t’i ikur sulmit të një skifteri, u ngjit mbi kodrën Glyder Fawr dhe s’kishte më guxim të zbriste.
“Gjurmuesi tregoi se papagalli ishte mbi shkëmbinjtë ndërsa një grua nga ekipi u ngjit për ta marrë atë”, u tha në njoftimin e ekipit.
Si përfundim, pas ngjitjes së gruas, shpendi u mor me sukses dhe u zbrit.
Ai iu kthye pronares.
Artikuj të ngjashëm