Një dentist indian është bërë lajm në mediat botërore së fundmi, kjo pasi po pretendon se e ka nxjerrë dhëmbin më të gjatë ndonjëherë, nga një pacient në klinikën e tij.
Dentisti nga Madhya Pradesh Khargone, Saurabh Srivastava, ka deklaruar se dhëmbi të cilin ai e ka nxjerrë nga pacienti është i gjatë 39 milimetra, dhe është dhëmbi më i gjatë në botë.
Ai madje ka ndarë pamje nga dhëmbi në fjalë, të cilin e ka xhiruar dhe fotografuar nga disa kënde të ndryshme.
Dr. Srivastava ka treguar se pacienti i tij kishte ardhur në klinikën e tij më 29 shkurt, duke i kërkuar t’ia operonte dhëmbin ngase nuk dukej mirë, dhe po i shkaktonte probleme.
Rekordin aktual për dhëmbin më të gjatë në botë e mbanë Dr. Max Luksi, një dentist nga Gjermania i cili kishte nxjerrë dhëmbë në gjatësi prej 37.2 milimetrash.