Komuna s’ia lejon emrin e qytetit të lindjes bebes kosovare në Gjermani

Komuna s’ia lejon emrin e qytetit të lindjes bebes kosovare në Gjermani

28 March 2017 11:24

Babai Flamuri (33 vjeç) dhe nëna Albina (22 vjeçe), javën që lamë pas iu gëzuan ardhjes në jetë të vajzës së tyre të cilën e pagëzuan me emrin Krefelda, në bazë të qytetit të lindjes, Krefeld, në Gjermani.

Flamur Konxheli, në një prononcim për “Bild” javën e kaluar, pati thënë se e kanë menduar gjerë e gjatë emrin e saj.

“Rreth dy javë para se të lindte kemi vendosur që ta pagëzojmë vajzën tonë Krefelda”, ka sqaruar Flamuri, duke thënë se me këtë vepër dëshirojnë të falënderojnë qytetin e Krefeldit për gjithçka që kanë bërë për ta.

Por, ky gëzim nuk zgjati shumë për çiftin kosovarë, të cilët në gjermani kanë shkuar dy vjet më parë, pasi sot autoritetet e qytetit Krefeld kanë njoftuar se një emër i tillë nuk lejohet, bazuar në të drejtën e emrit.

Për këtë arsye, zyra civile e qytetit ka hedhur poshtë këtë vendim të çiftit të ri, transmeton Koha.net.

E pas këtij refuzimi, prindërit janë pajtuar me emrin e ri, Elda, për foshnjën e tyre.

Elda është lindur në klinikën Helios në Krefeld. Në momentin e lindjes, ajo ka peshuar 4630 gramë dhe ka qenë e gjatë 53 centimetra.

© KOHA

Komentet

Shto koment

Të ngjashme