Të mbledhurit në një ceremoni mortore të një gruaje në Ekuador, kanë mbetur të shtangur teksa kanë kuptuar se megjithatë, ajo ishte gjallë.
Bella Montoya, 76-vjeçare, u shpall e vdekur javën e shkuar pas një sulmi.
Gjatë përpjekjeve për t’ia ndërruar rrobat para varrimit, të pranishmit vunë re se ajo po merrte frymë.
Montoya tani është kthyer nën kujdes intensiv dhe Ministria e Shëndetësisë në Ekuador ka njoftuar se ka nisur hetimi për incidentin.
Në një deklaratë publike, Ministria ka thënë se gruaja kishte humbur frymëmarrjen dhe funksionimin e zemrës dhe s’u ishte përgjigjur përpjekjeve për shpëtim. Mjeku në detyrë pati konfirmuar vdekjen e saj.
Djali i gruas, Gilber Rodolfo Balberan Montoya, është cituar të ketë thënë se nëna e tij ishte pranuar në spital në mëngjes e në mbrëmje doktori kishte thënë se ajo ka vdekur.
Ajo më pas ishte vendosur në arkivol për disa orë, deri kur familjarët e panë teksa përpiqej të merrte frymë.
Madje janë publikuar edhe video në rrjetet sociale që e tregojnë gruan në arkivolin e hapur teksa merr frymë dhe njerëz të shumtë që e rrethojnë.
Ajo është shtrirë sërish në kujdesin intensiv në spitalin e njëjtë ku u shpall e vdekur.
“Pak nga pak, po e kuptoj atë që ka ndodhur. Tani vetëm po lutem për shëndetin e nënës sime. E dua të gjallë dhe në krah”, ka thënë djali i saj, raporton agjencia AFP.
