Një 18-vjeçar është zgjedhur kryetar i një qyteti të vogël në verilindje të shtetit amerikan të Arkansasit, raporton agjencia AP.
Mediumet amerikane kanë raportuar se Jaylen Smith ka fituar balotazhin duke u bërë kryetar i Earlet.
Smith ka përfunduar shkollën e mesme në Earle në maj.
Ai për “KATV” ka thënë se përfshirja në kryesinë e nxënësve e ka inspiruar për të kandiduar për kryetar.
“Njerëzit po bërtasin për ndryshim dhe unë dua të jem ai ndryshimi që e shtyn Earlen para”, ka thënë SMith.
Smith po ashtu ka pranuar se mosha e tij e ka bërë të vështirë për disa votues që ta marrin atë seriozisht.
“Por, gjithmonë i kam thënë njerëzve se duhet të fillosh dikur në jetë”, ka thënë Smith.
Cymone Poole thotë se ajo votoi për Smithin. Ajo tha se Smith e kishte impresionuar, ndonëse është i ri.
“E ka aftësinë. Mënyra se si ec, si flet dhe si vishet. E ka aftësinë të udhëheqë”, thotë Poole.
Sipas KATV, Smith do të betohet në ditën e Vitit të Ri, dhe do të shërbejë në mandat katërvjeçar.
© KOHA. Të gjitha të drejtat janë të rezervuara.
