Kuriozitet

Xhinset Levi's që u gjetën në një minierë u shitën për mbi 87 mijë dollarë

Një palë xhinse Levi's të vitit 1880 janë shitur në një ankand në një qytet të vogël në New Mexico për më shumë se 87,000 dollarë.

Xhinset, të gjetura në një minierë të braktisur nga një arkeolog u blenë nga 23-vjeçari, Kyle Hautner dhe Zip Stevenson, një veteran i tregut të xhinseve të cilësisë së mirë.

"Ne nuk kishim ndonjë plan për t'i blerë xhinset së bashku derisa filloi ankandi, gjë që është disi e çmendur t'i shikosh prapa", tha Stevenson për CNN.

Xhinset u shitën për 87,400 dollarë, një nga çmimet më të larta të paguara ndonjëherë për një palë xhinse.

Stevenson ka drejtuar një dyqan riparimi xhinsesh në Los Anxhelos për gati tri dekada, por ai kurrë nuk kishte gjetur një palë si këto të zbuluara së fundmi.

"Këto xhinse janë jashtëzakonisht të rralla, veçanërisht në këtë gjendje dhe madhësi fantastike të konsumuar”, tha ai për CNN.

Ankandi u mbajt në Durango Vintage Festivus në periferi të qytetit të vogël të Aztec.