Kuriozitet

Diamanti i rrallë rozë vendos rekord, shitet për gati 60 milionë euro

Një diamant jashtëzakonisht i rrallë rozë i ndezur është shitur për 59 milionë euro në Hong Kong - më shumë se dyfishi i çmimit të tij të vlerësuar - dhe ka vendosur një rekord botëror për çmimin më të lartë për karat për një diamant të shitur në ankand.

Diamanti 11.15 karatësh “Williamson Pink Star”, i cili është emëruar sipas një diamanti tjetër rozë dhënë Mbretëreshës Elizabeth II si dhuratë martese, iu shit një blerësi të pazbuluar në ankand nga Sotheby's Hong Kong, shkroi The Guardian.

Diamanti është emëruar pas dy diamanteve të tjerë të mëdhenj rozë: diamanti ovale “Pink Star” me prerje të përzier, 59.60 karatësh, i cili u shit për një rekord 71,2 milionë dollarë në ankand më 2017, dhe guri “Williamson”, një diamant 23.60 karatësh i dhënë mbretëreshës së ndjerë Elizabeth II si dhuratë martese nga gjeologu kanadezJohn Thorburn Williamson më 1947.

Diamantet rozë janë veçanërisht të rrallë mes diamanteve me ngjyrë dhe askush nuk e di se si kanë marrë ngjyrën rozë.

“Zbulimi i një diamanti rozë me cilësi të çmuar i çdo madhësie është një dukuri jashtëzakonisht e rrallë, diçka që me mbylljen e fundit të minierës Argyle dukej deri vonë shumë e pamundur”, tha Wenhao Yu, drejtoreshë e Sotheby's Asia, raportoi The Guardian.