Diamanti i rrallë rozë që pritet të shitet për mbi 20 milionë euro sot
Diamanti i dytë më i madh rozë i ndezur që është shfaqur ndonjëherë në ankand, pritet të shitet për më shumë se 22 milionë euro kur të dalë shtëpinë e ankandeve në Sotheby's në Hong Kong të premten.
Diamanti 11.15 karatësh i njohur si “Williamson Pink Star”, është emëruar pas dy diamanteve të tjerë të mëdhenj rozë: diamanti ovale “Pink Star” me prerje të përzier, 59.60 karatësh, i cili u shit për një rekord 71,2 milionë dollarë në ankand më 2017, dhe guri “Williamson”, një diamant 23.60 karatësh i dhënë mbretëreshës së ndjerë Elizabeth II si dhuratë martese nga gjeologu kanadezJohn Thorburn Williamson më 1947.
“Zbulimi i një diamanti rozë me cilësi të çmuar i çdo madhësie është një dukuri jashtëzakonisht e rrallë, diçka që me mbylljen e fundit të minierës Argyle dukej deri vonë shumë e pamundur”, tha Wenhao Yu, drejtoreshë e Sotheby's Asia, raportoi The Guardian.
Argyle, një minierë diamanti në pronësi të Rio Tintos të Australisë perëndimore, u mbyll në vitin 2020 pas 37 vitesh funksionimi, gjatë të cilit prodhoi më shumë se 865 milionë karat diamante të papërpunuar.
