Një karrocë me kuaj në mes të Gjermanisë, fermerja kursen para pas rritjes së çmimeve
Foto: AP
Udhëtimi i Stephanie Kirchner për në punë është bërë më i gjatë, por, ajo thotë se është më i lirë: ajo ka lënë veturën e saj në shtëpi dhe ka kaluar në fuqi të kuajve, shkroi të premten AP-ja.
Pronarja e fermës Stud dhe trajnere e kuajve, Kirchner thotë se ajo vendosi se "nuk mund të vazhdojë kështu" pasi çmimet e karburantit u rritën pas pushtimit rus të Ukrainës.
“Meqenëse dyshova gjithashtu se gjithçka tjetër do të bëhet shumë, shumë më e shtrenjtë, ne thamë, ‘duhet të kursejmë pak para’”, tha ajo.
Kështu që ajo ka kaluar në udhëtimin me karrocë me kuaj të afërsisht 6 kilometrave nga shtëpia e saj në Gjermaninë perëndimore. Kjo e kthen një udhëtim me një drejtim nga 10-15 minuta deri në një orë.
Por Kirchner llogarit se, duke pasur parasysh sa karburant harxhon vetura e saj Toyota, ajo kursen rreth 250 euro në muaj nëse përdorë fuqinë e kuajve çdo ditë.
Karroca e saj, e tërhequr nga dy kuaj, është e njohur për fëmijët dhe disa të tjerë. Por "sigurisht se njerëzimi është i tensionuar dhe më pas disa njerëz mërziten nëse nuk mund të më kalojnë aq shpejt sa duhet", tha Kircher.
Ajo e pranon se përgjigja e saj ndaj rritjes së çmimeve të karburantit nuk është e duhura për të gjithë.
Por, shtoi se nëse gjenden zgjidhje për hapësirën e kuajve në qytet, më shumë njerëz do t’i shfrytëzonin ata për udhëtim.
"Unë nuk mund të vendos një kalë në një parking", tha ajo. "Unë mendoj se shumë më shumë kalorës kuajsh do ta bënin këtë nëse do të krijoheshin mundësi për kuajt".
