Një grua ia ka thyer një vezë në kokë politikanit australian Craig Kelly në një park në Melbourne, gjatë një proteste në fundjavë, ndërsa e akuzoi atë se është adhurues i nazistëve, raporton Euronews.
Kelly, lider i Partisë së Bashkuar të Australisë, ka reaguar duke e quajtur atë “turp”. Policia e Victorias ka thënë se po e heton rastin.
Vetë politikani në një radio lokale ka paralajmëruar se do të ngrejë padi.
“Nëse dikush arrin të shpëtojë edhe me veprim të tillë, atëherë asnjë anëtar i parlamentit nuk do të mund të dalë nëpër rrugët e ndonjë prej qyteteve tona të mëdha pa u shqetësuar se mund të sulmohet ngjashëm”, ka thënë Kelly.
Shocking moment woman smashes egg on Australian politician's head pic.twitter.com/7fsfzwD6d5
— The Sun (@TheSun) April 10, 2022
