Në vitin 2019, një djalë 3-vjeçar i quajtur Casey Hathaway u zhduk teksa luante jashtë shtëpisë së gjyshes së tij. Pavarësisht temperaturave të ftohta dhe shiut të dendur, historia ka një fund të lumtur: Hathaway i mbijetoi përvojës pikëlluese, pjesërisht falë një ariu që e mbajti të sigurt dhe ngrohtë.
Zhdukja e Hathaway nxori në pah kërkues me përvojë, si dhe njerëz të zakonshëm të shqetësuar për mirëqenien e tij. Pasi mësuan se djali ishte zhdukur, forcat e rendit, ekipet e kërkimit profesional të marinsave të SHBA-së dhe vullnetarët shkuan në kërkim të tij. Ai u gjet pasi një fqinj po ecte me qenin e saj dhe e dëgjoi atë duke qarë nga shkurret rreth 40 deri në 50 metra larg rrugës.
Fatmirësisht, Hathway ishte relativisht i padëmtuar, vetëm disa gërvishtje dhe mavijosje, pas kohës së tij të kaluar jashtë. Në atë moment ai i tha familjes së tij për ariun. Si diçka nga një përrallë, krijesa u kujdes për djalin derisa u gjet.
“Ai tha se rrinte me një arush për dy ditë”, shkroi tezja e tij, Breanna Hathaway në një postim në Facebook. “Perëndia i dërgoi një mik për ta mbajtur të sigurt. Zoti është një Zot i mirë. Mrekullitë ndodhin”, ka shtuar ajo.
Megjithëse kjo histori mund të tingëllojë e marrë, ka histori të tjera në të cilat arinjtë kujdeseshin për fëmijët e bllokuar në shkretëtirë.
Në vitin 1888, New York Times raportoi për një vajzë 2-vjeçare që u gjet në një luginë dhe pretendonte se një ari e kishte mbajtur ngrohtë. Në vitin 1955, një tjetër 2-vjeçare e quajtur Ida Mae Curtis kaloi dy ditë në pyllin kombëtar Kootenai në Montana dhe u "ngushëllua nga një ari" ndërsa ishte atje.
