Mbretëresha Elizabeth II është mbretëresha më jetëgjatë e Britanisë. Por mos e quani të vjetër.
Mbretëresha 95-vjeçare ka refuzuar me mirësjellje nderin të emërohet "Oldie of the Year" (Plaka e Vitit) nga një revistë britanike, duke thënë se nuk i plotëson "kriteret përkatëse".
Revista Oldie publikoi të martën përgjigjen e mbretëreshës ndaj sugjerimit të saj që ajo të ndiqte gjurmët e të tjerëve që janë nderuar, përfshirë ish-kryeministrin John Major, aktoren Olivia de Havilland dhe artistin David Hockney, shkruan AP.
"Madhëria e saj beson se jeni aq i vjetër sa ndiheni, si e tillë Mbretëresha nuk beson se ajo i plotëson kriteret përkatëse për të qenë në gjendje ta pranojë, dhe shpreson se do të gjeni një marrës më të denjë," tha një letër nga ndihmëssekretarja e saj private, Tom Laing-Baker. Ai e përfundoi letrën "me urimet më të mira të Madhërisë së Saj".
Çmimi “Oldie of the Year” nderon njerëzit e moshës madhore që kanë dhënë një kontribut të veçantë në jetën publike. Burri i mbretëreshës, Princi Filip, i cili vdiq në prill, mori çmimin më 2011, kur ai ishte 90 vjeç.
Pasi mbretëresha nuk pranoi, çmimi Oldie këtë vit shkoi për familjen e kinemasë: aktorja dhe balerina franceze-amerikane Leslie Caron, 90 vjeç.
