Për 29 ditë, dy burra nga Ishujt Solomon kanë qenë të zhdukur në det pasi gjurmuesi i tyre GSP ndaloi së funksionuari. Ata u shpëtuan në brigjet e Papua Guinesë së Re, rreth 400 kilometra nga vendi ku kishte nisur udhëtimi i tyre.
Livae Nanjikana dhe Junior Qoloni u nisën nga Mono Island në provincën perëndimore, në mëngjesin e 3 shtatorit me një motoskaf të vogël. Plani i tyre ishte të udhëtonin 200 kilometra në jug të qytetit Noro, përmes bregdetit perëndimor të ishullit Vella Lavella.
“Nisëm një udhëtim të mirë dhe dukej se do shkonte mirë”, ka thënë Ninjikana.
Por, edhe për detarët me përvojë, Solomoni është det i ashpër dhe me rreziqe.
“Kur erdhi stuhia, ishte e rëndë, por edhe më e rëndë u bë kur GSP u fik. Nuk mund të shihnim se ku po shkonim dhe kështu vendosëm të ndalonim motorin dhe të prisnim, për të kursyer karburant”, tha ai.
Të mbijetuar përmes portokalleve që kishin marrë me vete dhe arrave të kokosit që kishin mbledhur në det, dyshja pas 29 ditësh u gjet nga një peshkatar në brigjet e Britanisë së Re.
Ata ishin aq të dobësuar saqë kur mbërritën në qytetin Pomio më 2 tetor u dërguan menjëherë në një shtëpi aty pranë për trajtim.
© KOHA. Të gjitha të drejtat janë të rezervuara.
