Pasi policia kroate ka arrestuar një person në Zagreb, në shtëpinë e tij është gjetur një piton i gjatë 5,5 metra, ka njoftuar “index.hr”.
Kjo ka ndodhur të premten mbrëma, ndërsa është bërë e ditur nga Kopshti Zoologjik i qytetit të Zagrebit. Në njoftim shkruan për një aksion të dimensioneve mahnitëse të premten mbrëma.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ekipi ynë i terrenit në veturën e tij nuk ka pasur asnjëherë një gjarpër të këtyre përmasave. Fjala është për një piton të gjatë rreth 5,5 metra dhe të rëndë rreth 50 kilogramë. Kolegët e kanë marrë atë pas thirrjes së policisë pasi ndërkohë është duke u zhvilluar një procedurë ndaj pronarit të tij. Ditët e fundit kolegët tanë janë marrë me zvarranikë që mbahen në pëllëmbë të dorës. Këtë herë kishin duart plot. Frikën nuk e njohin, por respektojnë çdo gjë, veçanërisht një gjallesë të tillë mbresëlënëse”, thuhet në njoftimin e Kopshtit Zoologjik të Zagrebit.
Pitoni masiv është vendosur në Kopshtin Zoologjik në Zagreb. Gjarpri është në gjendje të mirë shëndetësore. Ai është izoluar në kopsht dhe do të qëndrojë atje deri në një vendim të ri të institucioneve.