Familja holandeze priste “fundin e botës”, jetoi 9 vjet në bodrum

Familja holandeze priste “fundin e botës”, jetoi 9 vjet në bodrum

16 October 2019 14:37

Një familje holandeze ka jetuar për 9 vjet e mbyllur në bodrumin e shtëpisë së tyre duke pritur fundin e botës, përcjell BW shkrimin e mediave vendase.

Në burrë 58-vjeçar dhe 6 fëmijët e tij të rritur nga mosha 18 në 25 vjeç, jetonin prej vitesh në një fermë në veri të provincës Drenthe.

Ata u zbuluan pasi djali më i madh i familjes 25 vjeç doli nga bodrumi dhe shkoi në lokalin e zonës. Dëshmitarët thanë se djali dukej i konfuzuar.

“Ai porositi 5 birra dhe i piu. Diskutova pak me të, tha se kishte ikur nga diku dhe kishte nevojë për ndihmë. Kishte flokë të gjata, mjekër të pistë, rroba të vjetra dhe dukej i çorientuar. Ai tha se s’kishte qenë kurrë në shkollë apo te berberi”- ka thënë pronari i lokalit.

Pas dëshmisë së pronarit policia ka shkuar në shtëpinë e tyre që ndodhej në një fermë. Në shtëpi policia gjeti një palë shkallë pas një dollapi që të nxirrnin në bodrum.

Brenda në bodrum ata gjetën një burrë të shtrirë në shtrat të sëmurë, i cili kishte pësuar një sulm në tru dhe kishte mbetur i paralizuar. Së bashku me të ndodheshin edhe gjashtë fëmijët e tij të moshës 18 deri 25 vjeç.

Ndërkohë mbetet ende mister se ku ka përfunduar nëna e gjashtë fëmijëve. Sipas burimeve të para nga policia vendase dyshohet se nëna ka ndërruar jetë dhe është varrosur në fermë. Por ata thanë se ka ende shumë pyetje që kërkojnë përgjigje.

Komentet

Shto koment

Të ngjashme