Ministri norvegjez jep dorëheqje pasi mori me vete në pushim telefonin e punës

Ministri norvegjez jep dorëheqje pasi mori me vete në pushim telefonin e punës

19 August 2019 11:29

Ministri norvegjez i Peshkimit ka dhënë dorëheqje pasi ka shkelur protokollin e sigurisë gjatë një pushimi muajin e kaluar me të dashurën e tij të lindur në Iran.

Per Sandberg, 58 vjeç, pranoi të ketë shkuar me Bahareh Letnesin, 28 vjeçe, pa e informuar kryeministren e vendit dhe me vete kishte marrë telefonin qeveritar në Iran, raporton BBC.

Udhëtimi ka rrezikuar ekspozimin e Sandbergut ndaj spiunëve iranianë, pasi ai s’është dashur ta marrë me vete telefonin e punës, transmeton Koha.net.

Letnes është ish-mbretëreshë e bukurisë e cila tani menaxhon një biznes për eksportin e peshkut. Ajo ka leje-qëndrim norvegjez dhe ka mohuar të ketë ndonjë lidhje me qeverinë islamike të Iranit. Inteligjenca norvegjeze raportohet të ketë nisur hetimin e aktiviteteve të saja.

Kryeministrja Erna Solberg tha të ketë urdhëruar nga Sandbergu të dorëzojë telefonin e tij në polici për kontrolle sigurie. Ai ka dhënë dorëheqje edhe nga posti i zëvendëskryetarit të Partisë Progresiste.

“Vetë Peri kërkoi të largohej nga posti, dhe mendoj se ishte vendimi i duhur”, ka thënë kryeministrja, një Konservatore që është në koalicion qeverisës me Partinë Progresiste.

“Ai s’është treguar i kujdesshëm kur për çështjet e sigurisë”, ka thënë ajo, sipas AFP-së.

Ushqimi i detit është industria e dytë më e madhe eksportuese e Norvegjisë, pas naftës dhe gazit.

© KOHA

Komentet

Prof22/08/2019 14:06

Keshtu si veprohet ne Norvegji, ne vendet e Ballkanit, duhet krejt ministrat te japin doreheqje, ketu kane nga 3_4 telefona zyrtare.

Shto koment

Të ngjashme