Gjermani, prindërit harrojnë foshnjën e sapolindur në taksi Foto: Ilustrim

Gjermani, prindërit harrojnë foshnjën e sapolindur në taksi

21 May 2019 17:18

Dy prindër në Hamburg të Gjermanisë përjetuan dhimbjen më të tmerrshme vetëm pak orë pasi mirëpritën fëmijën e dytë në familje.

Kur po ktheheshin nga spitali, ata harruan foshnjën e sapolindur në taksi.

Ata morën djalin e madh, 1 vjeç, paguan taksistin dhe dolën nga vetura. Më pas kuptuan se dikush mungon, por vetura ishte nisur.

Babai u përpoq ta ndalonte, por nuk ia doli. Më i jashtëzakonshëm është fakti që shoferi nuk e kishte parë foshnjën e heshtur për asnjë moment, as kur kishte dalë për të ngrënë drekë. Prezenca e fëmijës u vu re nga një pasagjer që hipi më vonë në taksi.

Shoferi i taksisë telefonoi policinë dhe pas një kërkimi të vogël, i sapolinduri u bashkua me familjen./oranews

Komentet

Shto koment

Të ngjashme