Lëmsh

Luftanija që ndezi shkëndijë të luftës mes SHBA-së dhe Spanjës para 121 viteve

Luftanija që ndezi shkëndijë të luftës mes SHBA-së dhe Spanjës para 121 viteve

Më 25 janar 1898, luftanija amerikane U.S.S. Maine, hyri në portin e Havanës, në Kubë. Ajo që ndodhi me të do të ndizte shkëndijë të luftës ndërmjet Shteteve të Bashkuara të Amerikës dhe Spanjës. Misioni i anijes ishte të mbronte qytetarët amerikanë dhe pronat e tyre në Havanë, kundër dhunës së mundshme gjatë kryengritjes së Kubës kundër Spanjës.

Më 15 shkurt, tri javë pas ankorimit të luftanijes, si pasojë e një shpërthimi të fuqishëm dhe e zjarrit që pasoi, anija Maine u fundos dhe humbën jetën 266 amerikanë. Gazetat amerikane fajësuan për këtë Spanjën dhe nxitën opinionin publik kundër spanjollëve me thirrjen ‘Kujtoni anijen Maine’.