Kina publikon një foto 360 gradë të anës së fshehtë të Hënës

Kina publikon një foto 360 gradë të anës së fshehtë të Hënës

11 janar 2019 14:34

Anija kozmike kineze dërgoi nga sipërfaqja e fshehur e Hënës një foto panoramike impresionuese të vendit të saj të mbërritjes, duke treguar një peizazh gri dhe të mbushur me kratere.

Misioni “Chang’e-4” arriti më 3 janar zbritjen e parë historike në Hënë mbi këtë pjesë të hemisferës së satelitit që i kthen gjithë kohën kurrizin Tokës. Kjo është një fazë thelbësore e programit ambicioz hapësinor kinez.

Një robot i vogël me rrota i telekomanduar, “Yutu-2” (Lewuri i Zhades 2) doli nga anija kozmike dhe lëvizi mbi sipërfaqen e Hënës për të kryer analiza.

Ndërsa aparati fotografik që ndodhej mbi sondën “Chang’e-4” bëri një klishe që u publikua sot nga Agjencia Hapësinore Kineze CNSA.

Imazhi panoramik 360 gradë tregon një sipërfaqe hënore gri, një pjesë të sondës dhe robotin e vogël bashkë me shenjat e lëna nga rrotat e tij.

Komentet

Shto koment

Të ngjashme