LAJMET E MBRËMJES

Rashiq: Zbatimi i Rregullores së BQK-së të bëhet në bashkëpunim me Bankën Qendrore të Serbisë

Pëlqeje KTV Video për të parë video të përzgjedhura nga KOHA
 

Ministri për Komunitete dhe Kthim, Nenad Rashiq, tha se zbatimi i Rregullores së BQK-së që nuk lejon valuta të tjera në Kosovë përpos euros duhet të bëhet në bashkëpunim me Bankën Qendrore të Serbisë. Ai përmendi dy rrugë në bazë të të cilave mund të gjendet zgjidhja për dokumentin që ka nxitur reagime ndërkombëtare

Ministri për Komunitete dhe Kthim, Nenad Rashiq, ka prezantuar të mërkurën dy rrugë për të cilat tha se mund të ndiqen, në mënyrë që pas hyrjes në fuqi të Rregullores së Bankës Qendrore të Kosovës (BQK), që ndalon valutat e huaja, përfshirë dinarin, periudha e transicionit të rezultojë e suksesshme.

Në një konferencë për media pas takimit që e zhvilloi me guvernatorin e BQK-së, Ahmet Ismaili, Rashiq theksoi se për realizimin e tyre duhet bashkëpunim edhe me Bankën Qendrore në Serbi.