LAJMET E MBRËMJES

Komisioni vlerësues mjekësor i MF-së ikën nga llogaridhënia para deputetëve

Foto: Driton Paçarada\KOHA
Pëlqeje KTV Video për të parë video të përzgjedhura nga KOHA
 

Komisioni vlerësues mjekësor i Ministrisë së Financave ka refuzuar pjesëmarrjen në Komisionin parlamentar për të drejtat e njeriut, për të diskutuar rreth kategorizimit të personave paraplegjikë dhe tetraplegjikë. Ndaj anëtarëve të komisionit u hodhën një mori kritikash si nga deputetët ashtu edhe nga shoqata “Handikos”

Asnjë anëtar i Komisionit vlerësues mjekësor të Ministrisë së Financave nuk i është përgjigjur ftesës së Komisionit parlamentar për të drejtat e njeriut, për të diskutuar rreth ndryshimit të Rregullores së vitit 2017 për njohjen e statusit dhe të drejtave të personave paraplegjikë dhe tetraplegjikë.

Përfaqësues të shoqatës “Handikos” dhe një person në karrocë janë paraqitur me kohë në takimin e së martës, por mungoi udhëheqësja e divizionit, Anita Vranjolli e zëvendësuesi i sekretarit të Ministrisë së Financave, Enis Spahiu.