LAJMET E MBRËMJES

Një muaj paraburgim sulmuesit të alpinistes Nikqi

 

Një muaj paraburgim ia ka shqiptuar Gjykata Themelore e Pejës të dyshuarit për sulmin seksual ndaj alpinistes Mrika Nikqi, i njohur me inicialet F. B. Nikqi është sulmuar seksualisht mbrëmjen e së enjtes, derisa po ecte në një rrugë të qytetit të Pejës. Momenti i sulmit ishte kapur nga kamerat e sigurisë, video të cilën e bëri publike vetë viktima.

Ngjarja tronditëse e një sulmi seksual që ndodhi të enjten në Pejë u dokumentua nga një kamerë e sigurisë, e vendosur në një shtyllë elektrike pranë rrugës “Mbretëresha Teutë”.

Në mbrëmjen e 27 shtatorit, alpinistja Mrika Nikqi u sulmua seksualisht nga një person me inicialet F.B. për zbulimin e identitetit të të cilit, Nikqi tha se ndihmuan qytetarët bashkë me institucionet kompetente.