Në korrikun e vitit të kaluar, Nick Broomfield lansoi një dokumentar për jetën e stuhishme dhe vdekjen e ikonës Whitney Houston, e cila ka qenë një prej yjeve më të mëdha në botë, që në fund ra në depresion të thellë dhe u përball me abuzim kronik të narkotikëve, duke humbur vetëdijen në mënyrë fatale në vaskën e hotelit në vitin 2012, në moshën 48-vjeçare.
Në mënyrë të tmerrshme, vajza e saj vdiq në të njëjtën mënyrë, tre vjet më pas.
Tani Kevin Macdonald na e ka sjellë dokumentarin e tij me subjektin e njëjtë. Ky është vlerësuar më shumë, por duhet të them se më është dukur një përvojë e çuditshme dhe madje eksperiencë e papërfunduar dhe e pakënaqshme, shkruan “The Guardian”, transmeton “Koha Ditore”.
Padyshim se Macdonald ka më shumë qasje tek anëtarët e familjes sesa Broomfield, dhe ka më shumë materiale arkivore, nga performancat e saj në skenë dhe jashtë saj, të xhiruara nga burri i saj Bobby Brown i cili është intervistuar dobët dhe vend e pavend.
Problemi është se Macdonald sjell një zbulim të madh tek nga dy të tretat e dokumentarit. Padyshim kjo është një storie e madhe; do të ishte e gabuar të rrëfehej në detaje këtu, por ata që nuk duan të dinë për këtë pjesë apo për analizat narrative është më mirë të ndalojnë këtu dhe të mos e lexojnë shkrimin deri në fund.
Në terme gazetareske, Macdonald ka bërë kujdesin e duhur, megjithëse asgjë nuk mund të dëshmohet, dhe në aspektin e rrëfimit të historisë ai zor se mund të fajësohet që frenon. Por pasi që e hedh këtë bombë, ai nuk bën asgjë për të eksploruar implikimet. Në të vërtetë, duhet të kthehet dokumentari prej fillimit dhe të ritregohet historia për të ndriçuar këtë informacion.
Edhe
Dokumentari i TMZ-së ngre dyshime se Marilyn Monroe mund të mos jetë vetëvrarë
A thotë ai se ky sekret i tmerrshëm familjar është arsyeja e palumturish së Whitneyt? Është një dyshim këtu se arsyeja është që ajo në fakt ka qenë lesbike – sugjerim goxha i diskutueshëm për të cilin dokumentari nuk bën asgjë ta justifikojë apo sfidojë.
Përfundimisht, historia këtu është ajo që tashmë dihet. Whitney Houston ka qenë një vajzë e re me zë sublim, e rritur në geton e New Jerseyt, këngëtare në korin e kishës e shkolluar nga nëna e saj këngëtare Cissy, dhe e rrethuar me muzikë që nga momenti i lindjes së saj... (më gjerësisht lexoni sot në “Koha Ditore”)
