Qerkezi e Myshketa në duet për 70-vjetorin e konkursit operistik në Itali

Prishtinë, 30 tetor − Para tre vjetësh sopranoja Marigona Qerkezi mori vëmendjen e teatrove italiane kur doli fituese e konkursit ndërkombëtar operistik “AsLico”, që u dedikohet këngëtarëve të rinj lirikë të Evropës.

Triumfi në garën prestigjioze që mbahet në Como të Italisë, e ka rikthyer në skenën e teatrit të operës së këtij qyteti. Të dielën mbrëma, Qerkezi – e cila po bën karrierë ndërkombëtare dhe viteve të fundit goxha shpesh ka performuar para audiencës italiane – e ka ndarë skenën me baritonin shqiptar Gëzim Myshketa. Dy shqiptarët kanë interpretuar duetin Lucias dhe Enricos, shkëputur nga opera e njohur “Lucia di Lammermoor” e Gaetano Donizettit, në mbrëmjen që shënoi 70-vjetorin e “As.Li.Co”. Të dy u ftuan për t’u bërë pjesë e koncertit jubilar si ish-fitues të këtij konkursi/E.Berisha (gjerësisht, sot në “Kohën Ditore”).

{gallery}