Këshilli Organizativ për ngritjen e shtatores së mbledhësit të folklorit e udhëheqësit të Lëvizjes për pajtimin e Gjaqeve, Anton Çetta, do të kërkojë ndihmë nga kryeministri i Kosovës, Ramush Haradinaj, për finalizimin e qëllimit të tyre. Të hënën, anëtari i Këshillit, Riza Krasniqi ka dorëzuar një kërkesë për takim me kryeministrin Haradinaj. Megjithëse Ministria e Kulturës sivjet i ka ndarë 50 mijë euro buxhet për shtatoren e Çettës, për këtë projekt ende nuk ka ndonjë hap konkret.
Riza Krasniqi ka thënë se u bënë shumë vite që profesor Anton Çetta nuk ka shtatore e as komplet të botuar me veprat e tij. Sipas tij, secili politikan që vjen në pushtet premton se do të realizohen këto dy projekte.
Ai ka numëruar arsyet që, sipas tij, duhet të rezultojnë me shtatoren e Çettës në oborrin e Institutit Albanologjik të Prishtinës.
Në shkurt të këtij viti ishte planifikuar që të vihet gurëthemeli i shtatores në oborrin e Institutit Albanologjik të Kosovës. Por mosmarrëveshjet midis Institutit Albanologjik të Prishtinës me Komunën e Prishtinës e Ministrinë e Arsimit kanë bërë që t’i skadojë afati pëlqimit për vendosjen e shtatores (gjerësisht, sot në “Kohën Ditore”).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
-
Shtatorja e Çettës bëhet me lokacion pas mospajtimeve katërvjeçare
-
Komuna e Prishtinës ende pa lokacion për shtatoren e Anton Çettës
-
Komuna do të propozojë hapësira të tjera për shtatoren e Çettës
-
Rikthehet buxheti për shtatoren e Çettës, ende në kërkim të lokacionit
-
Krasniqi: Figura e Çettës nuk e ka vendin në kishë e as xhami, kontributi i tij është kombëtar