Mozaiku i Tiranës është një nga thesaret e arkeologjisë shqiptare dhe ruan copëza të historisë së antikitetit.
Ministri i Ekonomisë, Kulturës dhe Inovacionit i Shqipërisë, Blendi Gonxhja, ka thënë të premten se në këtë monument do të ekspozohen për publikun mozaikët e mbyllur të periudhës së antikitetit dhe të antikitetit të vonë të cilët gjenden në lokalitetet më të rëndësishme arkeologjike të Shqipërisë.
“Aktualisht në laboratorët e Institutit Kombëtar të Trashëgimisë Kulturore po punohet për pastrimin, konservimin dhe përgatitjen e materialeve e gjetjeve gjatë sondazheve të vitit 2021, për ekspozimin e tyre, që do të sjellin më pranë publikut dëshmi të çmuara të trashëgimisë sonë kulturore”, citohet të ketë thënë ministri Gonxhja.
Mozaiku i Tiranës daton që prej shekullit III dhe është zbuluar në vitet ’70 të shekullit të kaluar gjatë punimeve për ndërtimin e një blloku pallatesh.
Zona e këtij mozaiku është një hapësirë e re moderne, që shërben si platformë për prezantimin e mozaikëve më të rëndësishëm, ndërsa po kthehet në një destinacion të rëndësishëm kulturor për Tiranën.
Në kushte optimale konservimi dhe përmes programeve edukative me fëmijët e të rinjtë, kjo hapësirë vjen si një dritare e re e interpretimit bashkëkohor të trashëgimisë arkeologjike shqiptare.
Edhe
Turizmi kulturor në Shqipëri me gati gjysmë milioni vizitorë për pesë muaj
Kjo godinë, përpos historikut të saj, shërben edhe si pikë informacioni vizuale për të gjithë mozaikët që mbart nëntoka e pasur arkeologjike shqiptare.
Revista prestigjioze e arkitekturës “ArchDaily” e ka nominuar Mozaikun e Tiranës për çmimin “Ndërtesa e Vitit 2026”.
